Qazaqstandaǵy Assambleıa jylyn merekeleý sheńberinde oblysta «20 izgi is» jobasy bastaý aldy. О́ńirdegi «Vıdergebýrt» nemis qoǵamy osy jolǵy sharalarǵa qaıyrymdylyq, áleýmettik ekpin berip otyr. Bul Elbasy, Qazaqstan halqy Assambleıasynyń Tóraǵasy Nursultan Nazarbaevtyń «Nurly Jol – bolashaqqa bastar jol» atty Joldaýyndaǵy tapsyrmalarmen ózektes keledi. Iаǵnı, bizdiń birlestik kópbalaly jáne jalǵyzilikti otbasylardyń, muqtaj jandardyń, qarııalar men múgedek balalardyń júrekterine jylylyq sebýdegi ıgi dástúrlerin jalǵastyra bermek.
Bizdiń Prezıdentimiz aıqyndaǵanyndaı, Assambleıa jyly aýqymdy ári qat-qabat jumystarǵa toly bolmaq. Belsendilerimiz bıyl derekter qoryn jańǵyrtyp, árbir azamattyń júregine jol tabýǵa tyrysýda. Sondyqtan, birlestigimiz kómek qolyn sozar adamdar sany ósip otyr. Ásirese, eriksiz qýdalanyp, taǵdyr tálkegine túsken otandastarymyzdyń tizimi aıryqsha nazarda ustalýda. Olardyń kúndelikti turmys-tirshiligine kómektesýmen qatar, jas urpaqpen kezdesýlerin de uıymdastyrýdamyz. Mundaı sharalar otandastarymyzdyń jan-dúnıesin jadyratyp, Qazaqstan qoǵamynyń qundylyqtaryn ashyp kórsetýge yqpal etedi.
Birlestik kómek-qoldaýdyń naqtylyǵyn, onyń anyq muqtaj jandarǵa baǵyttalýyn qadaǵalaıdy. Osy ustanymmen jańajyldyq, rojdestvolyq dastarqandar jaıylyp, kóńildi otyrystar uıymdastyrdyq. Al múgedekter men jasy ulǵaıǵan ata-ájelerimiz úshin «Qysqy azyq-túlik qorjyny» aksııasy uıymdastyrylyp, 1228 adamdy qýanyshqa bóledik. Sondaı-aq, 28 kisige aqshalaı kómek kórsetilse, bir qarııaǵa 45 myń teńgeniń estý apparatyn syıladyq. Bir anamyzdyń protez máselesi de sheshildi. Mundaı qaıyrymdylyq sharalary jyl boıyna jalǵasady.
«20 izgi istiń» múmkindikterin jastarǵa baǵyttaýǵa da basymdyq berilýde. Bul oraıda jańa aǵartýshylyq jobany bastaǵanymyzdy aıtqym keledi. Jastar klýbyndaǵy júzge jýyq adam 15 topqa bólinip, bilikti mamandardyń kómegimen memlekettik tildi jańa ádistememen oqyp-úırenýde. Bul bastamany Stepnogor, Shýche qalalary men kóptegen aýdandar qoldap otyr. Atalǵan sharalarǵa ata-analardyń da qatysýy qazaqstandyq nemisterdiń qoǵamdyq qarymyn arttyra túsedi degen úmittemiz.
Birlestiktiń beldi múshesi Elena Tatarınsevanyń «Výnderkınd» ortalyǵyn qurýy jurtshylyqty qýanyshqa bóledi. Atalǵan joba úsh pen jeti jas aralyǵyndaǵy balalardy mektepke daıyndaý maqsatyn kózdeıdi. Olar qyzyqty oıyn sabaqtarynda nemis tilin, otantaný ilimin oqyp-úırenip, logıkalyq tanym, oılaý qabiletterin damytady. Biz osy arqyly qazaqstandyq patrıotızm, urpaqtar sabaqtastyǵy qundylyqtaryn bala kezden qalyptastyrýdy kózdep otyrmyz.
Biregeı Assambleıa jylyn merekeleý kópultty memleketimizdiń mereıin kóteretin, álemdik deńgeıde oı salatyn oqıǵa sanalady. Alda qyrýar ister, qýanyshtar kútip tur. Men ózimizdiń kópsalaly jumysymyzdyń bir ǵana baǵytyn áńgimeleý arqyly erteńgi qyzmetimizdiń arnasy keńdigin ańǵartqym keldi. Túsinistik pen turaqtylyqqa negizdelgen qoǵamymyzdyń tuǵyry bıikteı beretinin, dostyq shýaǵyna bólengen halqymyzdyń bolashaǵy jarqyn ekendigin maqtan etemin!
Svetlana KORNEEVA,
nemis etnomádenı birlestiginiń jetekshisi.
Aqmola oblysy.
Sýrette: birlestik jetekshisi Svetlana KORNEEVA.